Статистикийн үйл ажиллагааг сурталчилсан самбар гаргав

Нийтэлсэн: 2018 он 10 сар 25. 08 цаг 12 минут
"Статистик-хөгжилд хөтлөгч хүч" аяны нэг зорилго нь Статистикийн үйл ажиллагааг ард иргэд, байгууллагуудад сурталчлан таниулах юм. Энэ хүрээнд салбарын үйл ажиллагааг харуулсан самбарыг бэлтгэж аймгийн төв талбайн дэргэд байрлууллаа.
Дэлгэрэнгүй

Аяны хүрээнд Улаангом сумын ЗДТГ-ын ажилтнуудад мэдээлэл хийлээ

Нийтэлсэн: 2018 он 10 сар 23. 08 цаг 37 минут
"СТАТИСТИК-ХӨГЖИЛД ХӨТЛӨГЧ ХҮЧ " аяны хүрээнд Улаангом сумын ЗДТГ-ын удирдлага, ажилтан, албан хаагчдад Сумын нийгэм эдийн засгийн байдлын 2017 оны жилийн эцэс, 2018 оны эхний 9 сарын мэдээллээр танилцуулга хийж, аяны талаархи мэдээллийг өглөө.
Дэлгэрэнгүй

Сарын аяны хүрээнд инфографик бэлтгэн тархаав

Нийтэлсэн: 2018 он 10 сар 22. 07 цаг 53 минут
"Статистик - хөгжилд хөтлөгч хүч" сарын аяны хүрээнд аймгийн удирдлагууд, агентлаг, төсвийн байгууллагын удирдлагуудад аймгийн нийгэм эдийн засгийн байдлын 2018 оны эхний 3 улирлын үзүүлэлтээр инфографик бэлтгэн тархаалаа
Дэлгэрэнгүй

Аймгийн нийгэм эдийн засгийн байдлын 2018 оны эхний 9 сарын инфографик бэлтгэн тархаав.

Нийтэлсэн: 2018 он 10 сар 15. 09 цаг 40 минут
Аймгийн нийгэм эдийн засгийн байдлын 2018 оны эхний 9 сарын инфографик бэлтгэн тархаав.
Дэлгэрэнгүй

Увс аймагт явагдаж байгаа НҮТС-д ҮСХ-оос хяналт хийгдлээ.

Нийтэлсэн: 2018 он 10 сар 15. 06 цаг 34 минут
Увс аймгийн Тэс, Тариалан суманд явагдаж байгаа Нийгмийн үзүүлэлтийн түүвэр судалгаанд хяналт хийж ҮСХ -ны ХАНСГ-ны Нийгмийн статистикийн албаны статистикч С.Тодгэрэл ажиллалаа. Энэхүү судалгаагаар хүүхдийн өндөр, жинг хэмжих, давсны иодын агууламж шалгах, өрхийн ундны усны чанар шалгах (е коли) шинжилгээг хийх юм. Мөн НҮТС нь хүүхэд, эмэгтэйчүүдийн эрүүл мэнд, боловсрол, өсөлт, хөгжил, хамгаалал, өрхүүдийн нөхцөл байдал, тэдний эрхийн хэрэгжилт болон эмэгтэйчүүд, эрэгтэйчүүдийн ХДХВ, ДОХ-ын талаарх мэдлэг, бэлгийн зан үйл зэрэг олон талт нийгмийн үзүүлэлтүүдийг уялдуулан судалж, улмаар бодлого хөтөлбөр боловсруулагч, шийдвэр гаргагч нарт төдийгүй судлаач, эрдэмтэд болон сонирхсон хүн бүхэнд шаардлагатай статистикийн үнэн бодит мэдээллийг бий болгох юм. Судалгааны баг Увс аймагт амжилттай ажиллаж байна. Уг судалгаагаар 2018 онд манай улсын хүүхэд, эрэгтэй, эмэгтэйчүүдийн нөхцөл байдал ямар байгаа дүр зургийг гаргах юм.Тиймээс түүвэр судалгаанд сонгогдсон ИРГЭН ТА манай судалгаанд идэвхтэй оролцоорой.
Дэлгэрэнгүй

"СТАТИСТИК-ХӨГЖИЛД ХӨТЛӨГЧ ХҮЧ " сарын аян зарлагдлаа.

Нийтэлсэн: 2018 он 10 сар 12. 05 цаг 01 минут
Монгол улсад Статистикийн алба үүсч хөгжсөний 94 жилийн ойн баярыг тохиолдуулан жилийн ажлын төлөвлөгөөний дагуу Статистикийн хэлтсээс статистик мэдээ , мэдээллийн чанар, ашиглалт болон түүний хэрэглээг нэмэгдүүлэх сарын аяныг зохион байгуулж байна. АЯНЫ ЗОРИЛГО: Улс, бүс, аймаг, сум, багийн түвшинд олон улсын аргачлалаар боловсруулан бэлтгэн гаргаж байгаа Статистик мэдээ, мэдээллийн ашиглалт болон хэрэглээг эрчимтэй нэмэгдүүлж, статистикийн салбарын үйл ажиллагааг аймгийн ард иргэддээ сурталчлах, статистикийн боловсролыг олгох, статистик мэдээллийн ач холбогдлыг танилцуулах, аймгийн бодлого боловсруулагчдын цахим орчноос статистик мэдээллийг хурдан шуурхай авах чадварыг сайжруулах, статистик мэдээллийн хэрэглэгчдийг нэмэгдүүлэх, аймгийн хэмжээнд байгууллагуудын хоорондын уялдаа холбоо болон салбарын хүний нөөцийн чадварыг нэмэгдүүлэхэд чиглэнэ.
Дэлгэрэнгүй

Аймгийн нийгэм эдийн засгийн байдлын 2018 оны эхний 9 сарын танилцуулга боловсруулагдан гарч, хэвлэлийн бага хурлаа зохион байгууллаа.

Нийтэлсэн: 2018 он 10 сар 12. 04 цаг 57 минут
Аймгийн хэмжээнд 2018 оны эхний 9 сард 1371 эх амаржиж, 1382 хүүхэд төрж, мөн нас баралт 351 болж, өмнөх оны мөн үеэс амаржсан эх 168 (10.9%), төрсөн хүүхэд 164 (10.6%)-ээр тус тус буурч, нас баралт 35 (11.1%) -аар өмнөх оны мөн үеэс өсчээ. 1000 хүнд ноогдох төрөлт 16.9, нас баралт 4.3, цэвэр өсөлт 12.6 болов. Аймгийн хөдөлмөр, халамжийн үйлчилгээний газарт бүртгүүлсэн 9 сард ажил идэвхитэй хайж байгаа ажилгүй хүний тоо 704 болж, өнгөрсөн оны мөн үеийнхээс 173 (9.7 %) хүнээр буурсан байна. Аймгийн хэмжээнд 375 эмэгтэй ажил идэвхитэй эрж байгаа нь ажилгүйчүүдийн 53.27 хувийг эзэлж байна. Нийгмийн даатгалын сангийн орлого оны эхний 9 сард 11752.2 сая төгрөг болж, өмнөх оны мөн үеэс 359.9 (3.2%) сая төгрөгөөр өсч, сангийн зарлага 35657.8 сая төгрөг болж, өмнөх оны мөн үеэс 4575.3 ( 14.7%) сая төгрөгөөр өсчээ. Аймгийн хэмжээнд нялхсын эндэгдэл эхний 9 сард 24 гарсан ба өмнөх оны мөн үеэс 2 гаралтаар бага байна. 1-5 хүртэлх насны хүүхдийн эндэгдэл 7 гарсан ба өнгөрсөн оны мөн үеэс 1 гаралтаар өссөн байна. 1000 амьд төрөлтөнд 17.4 нялхсын эндэгдэл, 22.4 нь 5 хүртэлх насны эндэгдэл ноогдож байна. Аймгийн хөгжимт драмын театр нийт 44.0 мянган хүнд 131 тоглолтоор үйлчилж ажилласан нь өнгөрсөн оны мөн үеэс тоглолтын тоо 9.2 хувиар, үзэгчид 41.9 хувиар өсөж орлого 29.3 хувиар буурсан байна.Орон нутгийг судлах музей нийт 5.9 мянган хүнд үйлчилсэнээс нийт үзмэр үзэгчдийн 69 хувь нь цэцэрлэг, сургуулийн хүүхэд багачууд байсан байна. Нийт 1441.0 мянган төгрөгийн орлоготой ажилласан ба үзэгчид өнгөрсөн оны мөн үеийнхээс 55.3 хувиар өсөж, орлого нь 36.7 хувиар буурсан байна.Төв номын сан 4.2 мянган байнгын уншигч, 37.7 мянган ирэгчдэд нийт 46.0 мянган номоор үйлчилсэнээс уншлагын танхимаар 26.1 мянган ном, гэрээр 18.4 мянган ном, зөөврөөр 1.5 мянган номоор үйлчилсэн байна.
Дэлгэрэнгүй

Увсчууд "ХААН ЖИМС-ЧАЦАРГАНЫ БАЯР"-аа тэмдэглэлээ

Нийтэлсэн: 2018 он 10 сар 12. 04 цаг 54 минут
Эртний Грекүүд нэгэн томоохон тулааны дараа бяцхан төгөлд морьдоо амраан тухалжээ. Дайн тулааны хөлд олон хоног аяншиж улдсан морьд тэр дорхноо тамир тэнхээ сэлбэж өнгө зүс орон дүүхэлзсэнд гайхширсан хаан мөнөөх төглийг судалж тэрхүү шидэт бутны үр жимсийг Hippophae rhamnoides буюу “Хүч тамир оруулагч” гэж нэрлэсэн нь МЭӨ 12-р зууны үед болсон явдал. Дэлхийн түүхнээ алдар суугаа дуурсгасан Их монголын эзэнт гүрний үе үеийн хаад ч мөн энэхүү жимсийг хүнсэндээ хэрэглэдэг байсан нь шастир түүхнээ тэмдэглэгдэн үлджээ. Найрлагандаа олон төрлийн витамин, амин хүчил, уураг тос, хүний биед зайлшгүй хэрэгтэй металл, микро элементүүд агуулдаг, ходоодны шархыг хүртэл анагаах чадвартай энэ гайхамшигт жимс бол чацаргана юм. Анагаах ач тусаараа “ХААН ЖИМС” хэмээн өргөмжлөгдсөн чацаргана 1981 онд монгол хүнтэй хамт сансарт нисэж газар дэлхийн төдийгүй САНСРЫН ХҮНС болон шагшигдсан түүхтэй. Монгол, Хятад, Энэтхэг, Балба, Пакистан, Орос, Их Британи, Франц, Дани, Нидерланд, Герман, Польш, Финланд, Швед, Норвеги зэрэг улсуудад ургадаг чацаргана жимсийг Монголчууд 1950-аад оноос тарималжуулах оролдлогуудыг эхэлжээ. Өвөлдөө хасах 50, зундаа нэмэх 40 градусын эрс тэс уур амьсгалтай Монголын Их нууруудын хотгорт энэхүү жимсийг тариалсан нь чухам нүдээ олсон зөв сонголт болсныг хожмын үр дүн илтгэсэн юм. Мөнх цэвдгийн рашаан усаар тэтгэгдсэн шаварлаг, иодлог хөрс болон давст нууруудын сав газрын онцлог нөлөөгөөр Увсын чацарганы тос омега аминдэм, тэр дундаа Е витамины агууламжаараа бусад газрынхаас хавигүй илүү байдаг. Чацаргана нь дөрөвдүгээр сарын сүүлч тавдугаар сард цэцэглэж наймдугаар сарын сүүлч есдүгээр сарын эхээр бүрэн боловсорч гүйцдэг. Манай орны Увс, Завхан, Ховд, Булган, Сэлэнгийн нутагт томоохон голын хөвөө даган ургадаг бутлаг ургамал юм. Ихэнх тослог ургамал зөвхөн үрэндээ тостой байдаг бол чацаргана жимснийхээ зөөлөн эдэд биологийн идэвхит бодис агуулдаг цөөн ургамлын нэг. Энэ ч утгаараа чацаргана жимсний үндсэн бүтээгдэхүүн нь тос, шүүс байдаг.
Дэлгэрэнгүй

  7 хоногийн үнийн мэдээ
  /2018 оны 11-р сарын 15-ний байдлаар/
              Нэр төрөл Үнэ /төг/
  Гурил, I зэрэг, кг 1200
  Хонины мах, кг

5800

  Үхрийн мах, кг 6000
  Ямааны ястай мах, кг 4500
  Элсэн чихэр, кг 2400
  Цагаан будаа, кг 2400
  Шингэн сүү, л 2000
  Бензин, А-80 2067
  Бензин, А-92 2247
  Дизелийн түлш 2473