ҮСХ-оос өрхөд суурилсан судалгааны ахлагч, судлаач нарт зориулсан сургалт зохион байгуулагдлаа.

Нийтэлсэн: 2018 он 01 сар 08. 13 цаг 03 минут
Үндэсний статистикийн хорооноос Өрхийн нийгэм, эдийн засгийн судалгаа, Ажиллах хүчний судалгааны багийн ахлагч, судлаачдад зориулсан сургалт зохион байгуулагдлаа. Сургалтын зорилго нь анхан шатны мэдээлэл цуглуулдаг багийн ахлагч, судлаач нарт ӨНЭЗС, АХС-ны асуулгыг зааврын дагуу үнэн, зөв, бүрэн, чанартай нөхөх чадвар эзэмшүүлэх юм. Тодруулбал, нэгдсэн нэг ойлголттой болох, судалгааны ярилцлага авах чадварыг дээшлүүлэх, асуулгын үзүүлэлт бүрийг нягт ойлгож, зөв нөхөх чадвартай байх зэрэг олон талын мэдлэг, мэдээлэл өгөх . Өрхийн нийгэм, эдийн засгийн судалгаа нь ДНБ, ТХЗ, Хэрэглээний үнийн индексийг тооцоход шаардлагатай үзүүлэлт, тогтолцоонуудыг гаргадаг. Мөн хоёр жил тутамд Монгол Улсын хүн амын амьжиргааны түвшин ядуурлын үндсэн үзүүлэлтүүдийг бүс, суурьшил, аймгийн хэмжээнд тооцон гаргадаг билээ. Харин Ажиллах хүчний судалгаа нь хүн амын хөдөлмөр эрхлэлтийн байдлыг тодорхойлж, хөдөлмөр эрхлэлт, ажиллах хүчний шалгуур үзүүлэлтүүдийг үндэсний хэмжээнд бүс, хот, хөдөө, аймаг, нийслэл, дүүргээр эдийн засгийн үйл ажиллагааны салбар, ажил мэргэжлийн ангиллаар улирлын нөлөөллийг тусган гаргадаг. Эдгээр судалгааны анхан шатны мэдээллийг цуглуулахад судлаачид өндөр үүрэгтэй. Сургалтын нээлтийн үеэр Үндэсний статистикийн хорооны дарга А.Ариунзаяа “Статистикийн мэдээллийн үнэн, зөв, чанартай мэдээлэл гаргахад анхан шатны мэдээлэл цуглуулдаг судлаачид чухал үүрэгтэй. Өнгөрсөн онд “Ядуурлын дүр төрх 2016” судалгааны үр дүнг танилцуулсан. Тэгэхдээ анх удаа аймгийн түвшинд тооцож гаргасан. Энэ онд явуулах дэлгэрэнгүй судалгаагаар мөн ядуурлыг аймгийн хэмжээнд тооцох, илүү сайжруулах зорилготой байгаа. Үүнээс гадна мэдээллийн нэгдсэн сантай болж давхардлыг арилгах, цаг хугацааг хэмнэх, үнэн зөв, илүү шуурхай байх шаардлага тулгарч байна. Тиймээс бидний зүгээс судалгааны арга аргачлалаа тайлбарлахаас гадна анхан шатны мэдээлэл цуглуулдаг та нарын зүгээс ямар санал хүсэлт байна, юу нь болж байна, юу нь болохгүй байна, түүнийг хэрхэн шийдвэрлэж нэгдсэн ойлголтод хүрэх зэргээр энэ таван өдрийн сургалт үр дүнтэй болох байх гэдэгт итгэлтэй байна” гэв. Сургалтад нийслэл, 21 аймгийн 120 гаруй судалгааны багийн ахлагч, судлаачид оролцлоо.
Дэлгэрэнгүй

Сумдын статистик хариуцсан мэргэжилтэнгүүд жилийн эцсийн мэдээ тайлангаа хүлээлгэн өгч байна.

Нийтэлсэн: 2017 он 12 сар 29. 17 цаг 54 минут
Мал тооллогын урьдчилсан дүнгээ зарлалаа, сумдын статистик хариуцсан мэргэжилтэнгүүд маань жилийн эцсийн өрх, хүн ам, ХАА гээд бүх мэдээ тайлангаа хүлээлгэж өгөөд байна. Жилийн эцсийн мэдээ тайлангаа хүлээлгэж өгөхдөө манай сумдууд тухайн жилдээ хийсэн танилцуулсан бүх судалгааны үр дүнгээ авчирч танилцуулдаг. Энэ жил Өлгий сумын статистик хариуцсан мэргэжилтэн У.Оюунбилэг маань хамгийн сайн танилцуулгыг хийж сумын удирдлага, хэрэглэгчдээ статистик мэдээллээр хангасан байна .
Дэлгэрэнгүй

Увс аймгийн 2017 оны жилийн эцсийн мал тооллогын урьдчилсан дүн зарлагдлаа.

Нийтэлсэн: 2017 он 12 сар 28. 14 цаг 49 минут
Увс аймгийн 2017 оны жилийн эцсийн мал тооллогын урьдчилсан дүн зарлагдлаа. Увс аймаг 2017 онд малын тоо 3129.7 мянган толгойд хүрч өнгөрсөн оноос 12.4 хувиар буюу 5 төрөлдөө өсч, аймгийн түүхэнд анх удаагаа малын тоо 3 саяд хүрлээ.
Дэлгэрэнгүй

Анх удаа зохион байгуулсан Статистикчдын шинэ жил

Нийтэлсэн: 2017 он 12 сар 28. 13 цаг 55 минут
Баярын цэнгүүнд маань "СТАТИСТИК-ХӨГЖИЛД ХӨТЛӨГЧ ХҮЧ" сарын аянаар ШИЛДЭГ ХАМТ ОЛОН -оор шалгарсан Завхан сумын Тамгын газрын дарга Т.Тамир, шилдэг багийн засаг дарга нартайгаа хамт уригдан оролцлоо.
Дэлгэрэнгүй

2017 оны жилийн эцсийн мал, тэжээвэр амьтдын тооллогын ажил аймгийн хэмжээнд амжилттай зохион байгуулагдаж байна.

Нийтэлсэн: 2017 он 12 сар 18. 11 цаг 48 минут
2017 оны жилийн эцсийн мал, тэжээвэр амьтдын тооллогын ажил 2017.12.07 - 2017.12.17 хооронд аймгийн хэмжээнд амжилттай зохион байгуулагдаж, тооллогын мэдээллийн шивэлт 71.4 хувийн ирцтэй байна.
Дэлгэрэнгүй

2017 оны мал, тэжээвэр амьтдын тооллого, спортын тооллогын улсын хяналтын төлөөлөгчид Увс аймгийн Улаангом суманд ажиллалаа.

Нийтэлсэн: 2017 он 12 сар 18. 11 цаг 35 минут
2017 оны мал, тэжээвэр амьтдын тооллого, спортын тооллогын улсын хяналтын төлөөлөгчид аймгийн төв Улаангом суманд сүүлийн өдөр ажиллалаа. Улаангом сумын тооллогуудын зохион байгуулалт, маягт, шивэлтийг үзэж, дараагаар нь Ц.Өнөрсайхан даргатай 6-р багийн зөгийн аж ахуй үржүүлдэг Ө.Сэргэлэнбаатар, гахай аж ахуй эрхэлдэг Х.Болдбаатар нарын тэжээвэр амьтдын тооллогын үйл явцтай танилцлаа.
Дэлгэрэнгүй

Мал тооллогын аймгийн комиссын гишүүд Наранбулаг,Завхан сумдад ажиллалаа

Нийтэлсэн: 2017 он 12 сар 16. 13 цаг 54 минут
Мал тооллогын аймгийн комиссын гишүүд Наранбулаг,Завхан сумдад ажиллалаа. Аймгийн тооллогын комиссын даргын баталсан удирдамжийн дагуу тооллогын бэлтгэл ажил, зохион байгуулалт, тооллогын зар сурталчилгаа,тооллогын явц, мэдээлэл боловсруулалт, маягтын нөхөлт,шивэлт зэргийг үзэж заавар зөвлөмж өгч, хяналтын тооллого хийх, програм хангамж суулгах зэргээр сумын тооллогын комиссынхонтой хамтарч ажиллалаа.
Дэлгэрэнгүй

Улсын хэмжээнд явагдаж байгаа жилийн эцсийн мал тооллого спортын тооллогын хяналтын баг ажиллаж байна.

Нийтэлсэн: 2017 он 12 сар 15. 09 цаг 53 минут
ҮСХ-ны ЭЗСГ-ын ахлах статистикч Ж.Тэрбиш, ахлах шинжээч М.Мөнхцэцэг нар улсын мал тооллогын хяналтын ажлаар Увс аймгийн Өлгий, Өмнөговь сумуудад аймгийн мал тооллогын комиссын гишүүдтэй, мөн ҮСХ-ны Хүн ам, орон сууцны тооллогын товчооны ахлах шинжээч З.Нямбаяр, шинжээч М.Пагмадулам нар улсын спортын тооллогын хяналтын ажлаар аймгийн спортын тооллогын комиссын гишүүдтэй хамтран Увс аймагт ажиллаж байна.
Дэлгэрэнгүй

  7 хоногийн үнийн мэдээ
  /2019 оны 2-р сарын 20-ны байдлаар/
              Нэр төрөл Үнэ /төг/
  Гурил, I зэрэг, кг 1200
  Хонины мах, кг

6800

  Үхрийн мах, кг 7250
  Ямааны ястай мах, кг 5000
  Элсэн чихэр, кг 2333
  Цагаан будаа, кг 2400
  Шингэн сүү, л 2500
  Бензин, А-80 1870
  Бензин, А-92 1940
  Дизелийн түлш 2340
 Боодолтой өвс 10000