Ажлын түр байранд ажилд урьж байна

Нийтэлсэн: 2019 он 12 сар 09. 08 цаг 13 минут
Хүн ам, орон сууцны 2020 оны тооллогын мэдээллийг уламжлалт арга-асуулгын хуудсаар цуглуулах, 1 сарын 9-өөс 1 сарын 16 ны хооронд ажиллах тоологч, мэдээлэл хүлээн авах шалгагчийн ажилд ажилтан шалгаруулж авна.Бүртгэл Аймгийн Статистикийн хэлтэс дээр явагдаж байна. Тамгын газрын II байр 4 тоот өрөө / Хуучнаар Хөдөлмөрийн хэлтсийн байр/, Холбогдох утас 99760175 Тавигдах шаардлага: -Бүрэн дунд болон түүнээс дээш боловсролтой; -Хүн ам өрхийн иргэний болон засаг захиргааны бүртгэл судалгааны ажилд оролцож байсан туршлагатай; -Тухайн баг хорооны газар нутаг хаягжилтыг сайн мэддэг байх; -Статистикийн мэдээлэл цуглуулах, анхан шатны мэдээлэл боловсруулах чадвартай; -Компьютерийн хэрэглээний програмыг ашигладаг чадвартай /шалгагчийн хувьд/; -Гэрээний хугацаанд тогтвортой ажиллах бололцоотой; -биеийн эрүүл мэнд, ажил эрхлэлт, гэр бүлийн байдлын хувьд ажлын цаг, ачаалал харгалзахгүй ажиллах боломжтой; -хариуцлагатай; -багаар ажиллах чадвартай зэрэг шалгууруудыг хангах ажилтныг бүртгэнэ.
Дэлгэрэнгүй

Мал тооллого эхэллээ

Нийтэлсэн: 2019 он 12 сар 07. 12 цаг 08 минут
2019 оны жилийн эцсийн мал тооллогыг Статистикийн хэлтэс, аймаг, сумын удирдлагууд орон нутгийн хэвлэл мэдээллийн САМА телевизийн хамт олонтой хамтран Улаангом сумын 1-р багийн малчин Г. Жаргалынд эхний мал тооллогыг явуулж тооллогын ажлыг эхлүүллээ. Аймгийн хэмжээнд мал тооллогыг зохион байгуулж байгаа мал тооллогын комиссын гишүүд, нийт тоологч нартаа амжилт хүсье.
Дэлгэрэнгүй

ҮСХ , ХАОСТТ-оос ээлжит цахим сургалтыг зохион байгууллаа

Нийтэлсэн: 2019 он 12 сар 07. 11 цаг 49 минут
Сургалтаар Тооллогын бэлтгэл ажил хэр явцтай байгааг судлаад 7 хоногийн төлөвлөөний биелэлтийн талаар зөвөлгөө өгч иргэд мэдээллээ шалгах ажлын сурталчилгааг эрчимжүүлэх, 2 төрлийн судалгааг хийж дуусгах болон тоологч шалгагчийн үнэмлэх , зааврыг хэвлэж бэлтгэх зэрэг үүрэг даалгаврыг өглөө.
Дэлгэрэнгүй

Улаангом сумын сум, багийн түр товчооны ажилтнуудад сургалт зохион байгууллаа

Нийтэлсэн: 2019 он 12 сар 05. 11 цаг 49 минут
Хүн ам, орон сууцны 2020 оны ээлжит тооллогыг улсын хэмжээнд зохион байгуулах ажлын хүрээнд айгийн төвийн сум, багийн түр товчооны дарга, гишүүдийг мэргэжил арга зүйгээр хангаж, зохион байгуулалтын чиглэл, нэгдсэн аргачлал, заавар зөвлөмжийг өгөх сургалт зохион байгуулагдлаа. Сургалтаар хүн ам, орон сууцны 2020 оны улсын тооллогын комиссын орлогч, статистикийн хэлтсийн дарга П.Тунгалаг, аймгийн ХАОСТ-ын ажил хариуцсан ажилтан Г.Дэлгэрдалай нар удирдан тооллогыг ажлыг зохион байгуулах, эрчимжүүлэх болон баг бүрийн ХАӨМС-г сайжруулах, багийн иргэдийн мэдээллийг цахим хөтчөөр шалгах ажлыг шуурхай зохион байгуулах талаарх сургалтыг хийлээ.
Дэлгэрэнгүй

Сумдын түр товчооныхонтой цахим хурал хийлээ

Нийтэлсэн: 2019 он 12 сар 05. 11 цаг 30 минут
Хүн ам орон сууцны 2020 оны улсын ээлжит тооллогын бэлтгэл ажлыг шуурхай зохион байгуулах тухай Аймгийн Засаг даргын албан тоотыг танилцуулж, ХАОМС-ын санд байгаа алдаа болон баяжилтын талаархи мэдээлэл хийж тоологыг иргэддээ сурталчилж иргэн өөрөө мэдээллээ шалгах ажлыг төрөл бүрийн хэлбэрээр зохион байгуулж ажиллах, түр суугаа болон түр эзгүй иргэдийн бүртгэлийг хийж шалтгааныг тодруулах, сумын түр товчооны байрыг бэлтгэж тооллогын ажлаа эрчимжүүлэхийг үүрэг болголоо.Мөн мал тооллогыг хугацаанд нь чанартай зохион байгуулахыг үүрэг болголоо.
Дэлгэрэнгүй

ХАОСТ-ын аймгийн комисс,түр товчооны гишүүдийн өргөтгөсөн хуралдаан зохион байгуулагдлаа

Нийтэлсэн: 2019 он 12 сар 05. 11 цаг 29 минут
ХҮН АМ, ОРОН СУУЦНЫ 2020 ОНЫ УЛСЫН ТООЛЛОГЫГ АЙМГИЙН ХЭМЖЭЭНД УДИРДАН ЗОХИОН БАЙГУУЛАХ ТООЛЛОГЫН КОМИССЫН ЭЭЛЖИТ ХУРАЛ БОЛЛОО. Энэ удаагийн хуралдаанаар: 1. Аймгийн тооллогын комиссын даргын албан тоотыг бүх сумдын тооллогын комисст болон төрийн байгууллагын удирдлагуудад хүргүүлж тооллогын ажлыг эрчимжүүлж эхлүүлэх 2. Тооллогын мэдээллийг бүртгэлийн аргаар бүрдүүлж байгаа хүн ам өрхийн мэдээллийн сангийн чанарыг сайжруулах зорилгоор бүх төрийн байгууллагуудын төрийн албан хаагч түүний өрхийн мэдээлэл, төрийн үйлчилгээ хүргэж буй иргэдийн мэдээллийг хаягаар шалгах ажлыг шуурхай зохион байгуулж дуусгах 3. Аймгийн түр товчооны гишүүд уламжлалт аргаар түүвэрлэгдсэн өрхүүдээс тооллогын асуулгын мэдээллийг дэлгэрэнгүйгээр цуглуулах 95 тоологч, 24 шалгагч нарын ажиллах нөхцөл, мэдээллийн нууцлал аюулгүй байдлыг хангах, түр товчооны байрыг гаргах зэрэг асуудлуудыг хэлэлцэн үүрэг чиглэл өглөө.
Дэлгэрэнгүй

Сумын түр товчооны дарга нарт сургалт зохион байгууллаа

Нийтэлсэн: 2019 он 11 сар 30. 11 цаг 05 минут
ХҮН АМ, ОРОН СУУЦНЫ 2020 ОНЫ УЛСЫН ТООЛЛОГЫН ЗОХИОН БАЙГУУЛАЛТЫН ЧИГЛЭЛ, НЭГДСЭН АРГАЧЛАЛ ӨГӨХ СУРГАЛТ ЗОХИОН БАЙГУУЛАГДЛАА. Хүн ам, орон сууцны 2020 оны ээлжит тооллогыг улсын хэмжээнд зохион байгуулах ажлын хүрээнд аймаг орон нутгийн тооллогын комисс, түр товчоод, тоологч шалгагч нарыг мэргэжил арга зүйгээр хангаж, зохион байгуулалтын чиглэл, нэгдсэн аргачлал, заавар зөвлөмжийг өгөх сургалт зохион байгуулагдлаа. Сургалтад сумдын засаг даргын орлогч, статистик хариуцсан ажилтнууд, аймгийн төвийн багийн засаг дарга нар оролцож байгаа бөгөөд сургалтыг аймгийн мал тооллогын комиссын дарга, Засаг даргын орлогч Т.Нямсамбуу, аймгийн хүн ам орон сууцны 2020 оны улсын тооллогын комиссын орлогч дарга, статистикийн хэлтсийн дарга П.Тунгалаг, ХХААГ-ын дарга Д.Төмөр-очир нар удирдан мэдээлэл өглөө.
Дэлгэрэнгүй

Сургагч багшийн сургалтанд хамрагдав

Нийтэлсэн: 2019 он 11 сар 25. 11 цаг 16 минут
Хүн ам, орон сууцны 2020 оны улсын ээлжит тооллогын СУРГАГЧ БАГШИЙН сургалт Улаанбаатар хотноо зохион байгуулагдаж хэлтсийн дарга П.Тунгалаг, аймгийн тооллогын ажил хариуцсан мэргэжилтэн Г.Дэлгэрдалай нар оролцлоо.Сургагч багш нь мэргэжил ХАОСТ-д ажиллагсдыг арга зүйгээр хангаж аймаг орон нутгийнхаа тооллогын комисс, түр товчоодын гишүүд, тоологч шалгагч нарт нэгдсэн ойлголт, заавар зөвлөмжийг өгч ажиллах юм.
Дэлгэрэнгүй

  7 хоногийн үнийн мэдээ
  /2019 оны 12-р сарын 04-ний байдлаар/
              Нэр төрөл Үнэ /төг/
  Гурил, I зэрэг, кг

1300

  Хонины мах, кг

7500

  Үхрийн мах, кг 7500
  Ямааны ястай мах, кг 4500
  Элсэн чихэр, кг 2333
  Цагаан будаа, кг 2500
  Шингэн сүү, л 1767
  Бензин, А-80 1900
  Бензин, А-92 1980
  Дизелийн түлш 2490
  ноолуур -